O BNG considera abusivas as tarifas do circuíto de motocross de Vilar do Colo

taboa prezos
Táboa de prezos aprobada polo pleno

As tarifas foron aprobadas co voto do PP e AEC. Desde o BNG, tras recoller a opinión das usuarias, voltou rexeitar o convenio coa Consellaría

O BNG considera abusivas as tarifas do circuíto de motocross de Vilar do Colo

No pleno do mes de maio do concello de Cabanas, celebrado o mércores 30, foron aprobadas as tarifas do circuíto de motocross co voto favorable de PP e AEC (6 votos) e a abstención do PSOE (3 votos).

O BNG de Cabanas, tras recoller a opinión dos usuarios do circuíto, posicionouse en contra no pleno ao considerar que estas tarifas son abusivas e non permitirán a viabilidade económica do circuíto, xa que, nas propias palabras dos usuarios, “así non vai ir ninguén”. Ademais, tamén denunciaron que este punto foi aprobado sen ter enviado o goberno municipal o perceptivo informe económico.

Para o BNG de Cabanas, estas tarifas “son o resultado do convenio suscrito para a construción do circuíto, pola cal o concello asume o 100% do mantemento, como xa denunciamos o ano pasado”, explicou o voceiro local, Iago Varela. “Din que estas tarifas tan caras son necesarias para que o circuíto sexa viábel, mais se ninguén o usa tampouco se poderá viabilizar”.

Desde o BNG consideran “unha vergoña” a xestión do circuíto até o de agora, e fanse eco das queixas dos usuarios polos “mareos” aos que os someteu o concello. “Ao final, semella que o único que busca o concello é colgar unha medalla  no ano pre-electoral e que ao pasar as eleccións, se o circuíto pecha por non ser viábel e os usuarios teñen que ir a outro lugar, que así sexa”, expuxo Varela. 
 

O BNG considera abusivas as tarifas do circuíto de motocross de Vilar do Colo